..það er alltaf sama sagan með mig og mína síðu... ...ég nenni barasta aldrei orðið að blogga.. en núna langaði mig einhverra hluta vegna voða mikið að blogga..
ætla að gera svona punkta- og myndablogg.. stutt og laggott!!

Hvað er Harpa búin að gera síðan síðast:

+ Ég fór á tónleika með Sigga Björns á flottasta kaffihúsi á íslandi, Álfacafé
+ Ég fór mjög oft á Borgarfjörð... get ekki talið hve oft!!
+ Ég fór í páskafrí...
+ Ég fór á skíði með Hlyni á Oddskarði í ooofurgóðu veðri!! ..brilleraði náttúrlega þegar ég var búin að "detta" mig til.. sem var bara 3svar!! ..nokkuð gott miðað við að 5 ár eru síðan ég fór síðast á skíði... og fór þá meðal annars fram af hengju!!   ..en þetta var alveg hrikalega gaman og ég vona að það komi ekki sumar alveg strax svo ég geti farið aftur á skíði!!

+ Ég fór í jeppaferð með Hlyni, Jonna, Pálma, Pálínu og fleirum á föstudaginn langa. Keyrðum upp eskifjarðarheiði (þar sem bróðir hans Erlendar týndist  ) og svo fórum við yfir Fönn og komum niður í Fannardal! Heljarinnar ferð og bara þrælgaman.. sérstaklega á leiðinni niður því þá renndi ég mér langleiðina á slöngu!!

+ Ég fór svo heim á Borgarfjörð eftir fjallaferðina og eyddi restinni af páskunum þar í góðu yfirlæti og bongóblíðu eins og vanalega!! .. (borðaði samt ekki páskaeggið mitt!!) ..Fór á Álfacafé með Þresti og Hoffu..já og birki... og við fengum okkur dýýýýrindis súkkulaðiköku og kakó! 

+ Ég fór svo á tónleika með Bjartmari á Álfacafé á miðvikudaginn.. og þvílík snilld!! hann er ótrúlega fyndinn.. og svo náttúrlega þekkja allir lögin hans og trölluðu og sungu með framundir miðnætti!!

svo er ég að fara suður í kvöld með Hlyni.. hann er að fara á aðalfund hjá slysavarnarfélaginu.. og ég ætla bara að vera fín frú í borginni á meðan!!
..ef ég kemst í leikhús og í Ikea verð ég sátt!!! ..svo keyrum við til baka á sunnudaginn á bíl sem Gummi Ollu var að kaupa.. og það er þegar búið að bjóða okkur í mat á Hornafirði hjá uppáhaldsfrænku okkar.... en hún ætlar að elda pizzu handa þessum "matvöndu gemlingum"!!  

...annars verð ég eitthvað að fara að gera í mínum málum.... á síðustu dögum hafa krakkarnir verið að skjóta frekar föstum skotum á mig:

" Ertu með barn í maganum?"... NEI! "stóra systir mín er líka með svona bumbu"
svo vorum við eitthvað að tala um lítil börn og óvita.
 "Ég var einu sinni lítið barn... og meira segja Harpa var lítið barn einu sinni..  en bara alveg fyrir miiiiiilljón árum!!"

....svo er ég bara alveg bráðum að fara aftur að skipta um vinnu, byrja 2 maí útá sjúkrahúsi... hugsa að ég eigi nú eftir að sakna ormanna minna!!

Jæja, nú ætti ég að fara að pakka niður og svoona!

Harpa - að fara í höfuðborgina!!

já það er ekki hægt að segja að ég sé góður bloggari... en ég reyni!

á síðustu dögum og vikum hafa mér borist nokkrar "áskoranir" .. og fyrst klukkuðu Hoffa og Auður mig og hér eru niðurstöðurnar úr því:

4 störf sem ég hef starfað við um ævina:
* Hárgreiðsla í þjóðleikhúsinu.
* Fiskvinnsla hjá Kónginum.
* Leiðbeinandi á Leikskóla.
* Afgreiðsla og listsköpun í Álfasteini.

4 myndir sem ég get horft á aftur og aftur:
* rent
* Guffagrín
* Forest Gump
* fyndnu fjölskyldumyndirnar í sætúni!! :)
* Þrek og tár (uppfærsla þjóðleikhússins)

4 staðir sem ég hef búið á:
* Borgarfjörður eystri
* Reykjavík
* Garðabær
* Neskaupstaður

4 sjónvarsþættir sem ég fíla:
* Bráðavaktin
* The OC
* ED
* Sex in the city

4 staðir sem ég hef farið í frí: 
* London
* Danmörk
* Þýskaland
* all around Iceland

4 heimasíður sem ég heimsæki daglega:
* http://www.borgarfjörðureystri.is
* http://mbl.is
* allar bloggsíður hér til hliðar og fleiri
* http://leikjanet.is

4 uppáhalds matartegundir: 
* mjólkurgrautur og slátur
* jólamaturinn hjá mömmu
* Skálafleki í söluskálanum (mínus lauk)
* humar

4 geisladiskar sem get ekki verið án (þessa dagana): 
* Robbie Williams - Intensive care, Robbie Williams show, Robbie: Live at Knebworth
* Lögreglukórinn - H´fileg refsing (égveit ég veit.. nöörd!)
* James blunt - Back to bedlam
* Jón Sig. - Til þín
* Jónsi - Jónsi
* og svo allir söngleikjadiskarnir mínir.. rocky horror, gauragangur, edith piaf, Superstar...
* svo náttúrlega allir rúntdiskarnir okkar erlu
* FJÖRÐURINN okkar - sætúns copyið með öllum bestu borgarfjarðarlögunum!!

4 staðir sem ég mundi frekar vilja vera á: 

      

* Jamaica                              * Ástralía                  * Afríka                         * Brasilía

4 hlutir sem ég hlakka til: 
* fara til landanna sem ég var að telja upp
* Eurovision í maí
* sumarsins..
* þegar ég verð orðin brjálæðislega rík!!

---

jæja.... og svo skoraði Óli frændi minn Bjöss á mig að setja niður 15 laga brennslu með lögum eftir Meistara Megas! (í engri sérstakri röð)

1. Heilræðavísur #2 - (kristilega kærleiksblómin spretta kringum) hitt og þetta)
2. Dufl (Ókunn dufl) - (kristilega kærleiksblómin spretta kringum) hitt og þetta)
3. (Borðið þér) Orma frú Norma - Paradísarfuglinn
4. Reykjavíkurnætur - paradísarfuglinn
5. Spáðu í mig - paradísarfuglinn
6. Tvær stjörnur - paradísarfuglinn
7. Vertu mér samferða inn í blómalandið amma - (kristilega kærleiksblómin spretta kringum) hitt og þetta)
8. Ragnheiður Biskupsdóttir - Paradísarfuglinn
9. Þóra Þóra - (kristilega kærleiksblómin spretta kringum) hitt og þetta)
10. Gamansemi guðanna - þrír blóðdropar
11. Þú bíður (allavegana eftir mér) - paradísarfuglinn
12. Mæja Mæja - Þrír blóðdropar
13. Gefin fyrir drama - Þrír blóðdropar
14. Ég á mig sjálf - Paradísarfuglinn
15. Lóa Lóa - paradísarfuglinn

(þessi kall heitir líka Megas!)

...og hana nú!! þetta var nú aldeilis skemmtilegt!
annars er bara ekkert í fréttum.. hér er allt á kafi í snjó...sem er bara alveg ágætt. Ég fór á tónleika á Álfa café um síðustu helgi með Sigga Björns og það var bara feiknastuð.. Fólk mætti fyrr til að fá sér fiskisúpu og fleira gotterý sem Kristjana hafði fram að færa.. mhh.. svo prufukeyrðum við systkinin og Þröstur og Hoffa nýjastu spilin í safninu, Rapidough og trivial.. og það var algjör snilld!!
..svo er ég aðeins að hjálpa til við uppfærslu VA á Vælukjóa (Cry baby) .. generalprufa í kvöld og frumsýning á morgun!

..annars er bara sama plan og venjulega.. heim um helgina.. ætla að klippa afa og lita og klippa ömmu stínu! og svo bara slappa af.. og það er náttúrlega best hjá pabba og mömmu!! ..jæja, ég ætla nú ekki að ofreyna mig hérna.. enda eru sennilega allir hættir að líta hér inn! (*gremja*)

Harpa - öll að koma til í þessu bloggi!!

 

langaði bara að benda ykkur á að ég var  að prufa að setja inn smá myndbrot, það er linkur á það hér vinstra megin aðeins fyrir neðan.
Það sýnir kannski af hverju ég vil helst alltaf vera heima hjá mér.. því þar er alltaf stuð!!!   (þetta er reyndar bara tekið upp á myndavélina mína í frekar litlum gæðum... en samt er myndefnið svo magnað að það skilar sér mjög vel!!)

Harpa - myndbandasmiður...

ég var að setja inn myndir hér til hliðar (sérstaklega fyrir uppáhaldsfrænkuna mína hana Ninnu!!)  ..myndir af greiðslunni sem ég gerði á sveinsprófinu og svo nokkrar myndir frá jólunum og af sokknum og dagatalinu sem ég var að sauma!

Annars er það helst í fréttum að ég skellti mér á papaball með Röggu um helgina!!
Það var alveg svívirðilega gaman.. og fær pabbi minn sérstakar þakkir fyrir að koma okkur frænkum á leiðarenda!! Ég dansaði svo mikið að ég hélt í alvöru að ég myndi deyja úr þreytu og súrefnisskorti.. og það stórsér á fætinum á mér.. ristin á mér er stokkbólgin og fallega fjólublá!! Þetta var lokahóf hesta..eitthvað og þess vegna voru þarna allir flottustu hestamenn landsins.. Lurkurinn, Kjalli, Fjölnir Þorgeirs.. og fleiri og fleiri.. svo var ekki síðra að þegar ég gekk í salinn tók Bachelör íslands í höndina á mér.. og stimplaði á handabakið á mér.. jebbs, hann var dyravörður!!

Aldís, Olgeir, Hallveig og Beggi fá sérstakar þakkir fyrir alla dansana!!

svo var bolludagur í gær.. mhhh... tókum reyndar forskot á sæluna hjá mömmu á sunnudaginn.. buðum Röggu og Nonna í Bollukaffi sem endaði með ósköpum (og það er bara vægt til orða tekið!!!) ..svo er húsmóðirin búin að leggja baunir í bleyti og kaupa sérvalið saltkjöt.... talsverðar líkur á að hún klúðri því.. en við vonum það besta!!!

Harpa - marin og blá eftir dansmaraþonið!!

já nú er ég búin að vera fóstra í rúmar 2 vikur og er enn bara "fír og flamme" .. líst bara vel á að vinna við þetta þangað til í maí, en þá fer ég útá sjúkrahús.

Annars er bara mest lítið að frétta.. bara eiginlega ekkert! Fór heim um síðustu helgi og hjálpaði pabba að pússa skápahurðir og svona en hann er að taka "ömmuherbergi" í gegn, mála og setja parkett og svona. verður ægilega fínt!

Söngvakeppni sjónvarpsins var náttúrlega um síðustu helgi mér til mikillar skemmtunar, finnst þetta æðislegt framtak hjá rúv að gera þetta svona veglegt!

Ég keypti mér diskinn á föstudaginn og við syskinin hlustuðum á hann alla leiðina heim á borgarfj. og ég skipti mjög oft um uppáhaldslag, þó svo að ég hafi gefið frænku mitt atkvæði að lokum. finnst mörg þessara laga vera rosalega flott og falleg en ekki beint júróvisjon-væn! ..

       

Annars er ég búin að vera að fylgjast rosalega mikið með ólympíuleikunum og er orðin sérlegur aðdáandi skíðagöngu og skotfimi.. vildi óska að ég kynni eitthvað á skíði.. þá væri ég sko pottþétt góð í þessum íþróttum!! :) ..svo er líka ægilega gaman að horfa á skautafólkið.. og krullið.. það er alveg ótrúlega skondin íþrótt..

jæja.. hef ekkert meira að segja, verð að fara að sauma dúkinn sem uppáhaldsfrænka mín gaf mér!!  takk kærlega fyrir mig ninna og gísli!

Harpa - andlaus......

langaði bara að sýna ykkur þetta æðislega myndband sem ég rakst á.. Algjör snilld!!!

Harpa - það er allt á kafi í snjó!!  

   ... já það er víst rétt.. var bara búin að gleyma henni... en ætla að reyna að bæta það upp með smá bloggi...

það er ansi margt og mikið búið að gerast hjá Hörpunni.. ég fór til Reykjavíkur með mömmu og pabba um miðjan Janúar. Þar fór ég í sveinspróf með tilheyrandi svefnleysi og andnauðum.. en það bara lukkaðist ótrúlega vel og ég náði öllu!

..og ég vil nota tækifærið og þakka þeim sem lögðu höfuð sitt að veði fyrir málstaðinn!!  

...svo var náttúrlega þorrablót Borgfirðinga helgina eftir og það var náttúrlega eins og við var búist .. algjör snilld frá a - ö !! Skemmtidagskráin var frábær og Nefndin hélt svo uppi DÚNDRANDI stuði fram eftir nóttu með tilherandi dararammi og dirírirí!

..svo er ég búin að vera voða mikið að nördast við að sauma öllum stundum, þessa stundina er það jóladagatal en það er alveg að verða tilbúið..

..svo er ég að fara að skipta um vinnu... mjög gott að vera búin með þetta 4 ára nám .. og geta svo ekki unnið lengur við þetta... nema þá við endalaust kvalræði.. sem ég ætla ekki að leggja á mig lengur í bili.. axlirnar leyfa bara ekki lengri feril í þessu starfi.. en það þýðir ekkert að gráta björn bónda heldur baara halda áfram.. langar samt ekkert að hætta uppá stofu því gellurnar þar eru svo æðislegar.. en ég fæ bara að koma í heimsókn og klippa einn og einn .. og svoona.. en ég er allavega búin að fara í eitt atvinnuviðtal..  á leikskólanum.. og líst bara vel á það. Ætla að fara á mánudaginn í prufu.. og svo má ég bara byrja þegar ég vil.

svo er pælingin sú að fara í skóla í haust og klára stúdentinn.. og svo er ég búin að hugsa frá mér allt vit um hvað mig langar að læra meira.. en er að hugsa um að salta það aðeins um stund því að eina stundina langar mig að verða eitt og hina stundina annað.. ..ráðleggingar eru mjööög vel þegnar!!

 

..svo var að bætast lítið krútt í stórfjölskylduna á Hlíðarveginum.. en það er hann Smart litli. Hlynur skrapp til Reykjavíkur í gær og kom svo brunandi á kagganum til baka. Smart er ósköp lítill og kjánalegur.. en samt rosaflottur og fínn! góð viðbót í familíuna.. ..verst að Birkir kemst eiginlega ekki inn í hann nema að vera í kremju.. hehe..

 

 

..svo var ég að hlusta á eurovisionlagið með henni Silvíu Nótt frænku minni og finnst það barasta hreinasta snilld.. grípandi lag og hún bara hörkusöngkona!! allir að kjósa Silvíu Nótt!!!

jæja.. þá er það ekkert fleira í bili.. og ef ég fæ ekki komment á þessi skrif þá verður þetta mitt síðasta!! og hana nú!

Harpa - það er allt að verða vitlaust!!!

jæja, þá er bara komið nýtt ár.. enn eina ferðina! Gleðilegt nýtt ár og takk fyrir þau gömlu! ..og jólin komin og nærri farin. Búin að vera dásamleg, var bara heima í faðmi fjölskyldunnar.. fór ekki útúr húsi nema í sárri neið! Fór í Gullbrúðkaupsafmælisveislu sem haldin var fyrir ömmu Stínu og afa Skúla þar sem öll börn þeirra og flestöll barnabörnin komu saman í Vinaminni og borðuðu á sig gat og skemmtu sér frameftir kvöldi!

 ætla að stikla á stóru yfir atburði sem áttu sér stað á árinu sem leið!

• Ég fór til Noregs með 3 frábærum stelpum úr skólanum þar sem við tókum þátt í hárgreiðslukeppni!
• Ég útskrifaðist úr skólanum, fékk verðlaun og allt!
• Ég tók þátt í upptökum á Dýrunum í Hálsaskógi fyrir DVD disk
• Ég flutti austur á Neskaupstað í nýju fínu íbúðina okkar!
• Ég fór til London með Fríðu á TIGI námskeið.. helgina eftir sprengjuárásirnar!
• Ég fór á tónleika með Emelíönu Torrini í bræðslunni - SNILLD!!
• Ég hoppaði frá mér allt vit á fína trampólíninu hennar mömmu
• Ég byrjaði að vinna á Gallerí hár - besta vinnustað á íslandi!
• Ég komst að því að ég er öll meira eða minna gölluð, öxlin á mér snúin og liðamót of laus, mig VANTAR algjörlega ennisholur en er aftur á móti með öfgastórar kinnholur sem orsaka krónískar kinnholusýkingar.. vííí ..o.s.frv.
• Ég byrjaði í eróbikk... sem ég sé engan tilgang í núna eftir jólin.. búin að   borða allt á mig aftur og rúmlega það! bömmer!!
• Ég fór í ægilegan leiðangur með Hlyni, Pálma, Jonna, Pálínu og Jóni Einari að skoða Helgustaðanámu! ,,með hjálma og ennisljós og allt!!
• Ég fór á tvö ættarmót, eitt útá Nesi og svo annað með Hlyni í Helgustaðahreppi!
• Ég fór náttúrlega á Álfaborgarséns með tilheyrandi skemmtun og dararammi sem alltaf er jafn skemmtilegt!
• Ég gerðist Robbie Williams fíkill.... Hvað get ég sagt.. maðurinn er bara ómótstæðilegur.. og snillingur!
• Ég fór í ferðalag vestur á firði með Mömmu, Pabba, Birki, Bjarka og Hlyni.. ákaflega vel heppnuð ferð með þessu úrvals fólki!!

..og svo gerði ég fullt meira sem ekki festist í minninu.. 

Annars er það helst í fréttum af hörpunni að ég er að fara í sveinspróf 14 eða 15 janúar og eru svitaköstin og svefnlausar nætur alveg farin að gera vart við sig!! Endilega látið mig vita ef þið vitið af einhverjum skeggjuðum manni.. eða konu sem vantar permanent, eða strák sem vantar klippingu!!

Harpa - óskar öllum gleðilegs nýs árs !!

Í hverjum ertu skotin/n ....finndu út hvort þú eigir séns!

Crush Calculator

 

Harpa Rún - ..að fara á akureyris á morgun!! :)

Hér skelli ég inn einni  mynd af Jónsa sem ég tók um síðustu jól þegar hann var að hengja upp jólaljósin sín!     ..pússlan var alltof erfið.. þannig að ég tók hana bara aftur út!